నిజమైన వీరుడు

నీ ముందు కాలం 

నీ వెనుకాల జ్ఞాపకం 

జ్ఞాపకాల సుడిలో పడి 

అందుకోలేకున్నావు  కాలాన్ని 

కాలాన్ని అందుకున్నవాడే నిజమైన వీరుడు 

రాజధానెక్కడా

గాలం 

రాజకీయనాయకులు 

వేసినంత సులువుగా ఒడుపుగా 

చేపలు పట్టే వారు కూడా వెయ్యలేరు 

సీమాంధ్ర - రాయల తెలంగాణా - రాజధానెక్కడా  ( ఎక్కడు )

జగద్గురువు

భగవంతునే 

పరీక్ష చేసే కాలంలో 

జగద్గురువులకు ఉండదా పరీక్షా 

గెలిచి నిలిచిన వారు జగద్గురువులవుతారు  - మీ లా 

మడత పేచీలు

మడత నాలుకలు  

రాజకీయ నాయకులవి  

అన్ని మడత పేచీలు తప్ప 

ఏది మాట్లాడినా స్పష్టత రావటం లేదు 

లెహర్ - ఫైలిన్

వద్దంటే ఎలా 

మీరు నేర్పిన విద్య 

తెలంగాణ - సీమాంద్ర పేరుతో 

మీరూ ఆవేశంతో గందరగోళం సృష్టిస్తున్నారు   

మేము ఆందోళనలో భాగంగా తుఫాన్లు సృష్టిస్తాం  

                                                    - లెహర్ - ఫైలిన్ 

పడివుంటారు

పరిష్కారం 

చూపితే మళ్ళి రారు 

చూపక పొతే మొదటికే మోసం 

నాన్చితే సరి పడివుంటారు కాళ్ళ వద్దే 

మన పిచ్చి కాకపొతే

పిచ్చి వాడిని

తెచ్చి , తన మెడకో

బంగారు పతకం వేసి , గౌరవించినా

నిలుపుకోనునా ,తన గౌరవం  - మన పిచ్చి కాకపొతే